IGLESIA NI CRISTO ITINURING AT TINAWAG NA AMA ANG KANILANG TAGAPAMAHALANG PANGKALAHATAN by Atty. Marwil Llasos

Iglesia ni Cristo (Manalo, 1914)

IGLESIA NI CRISTO ITINURING AT TINAWAG NA AMA ANG KANILANG TAGAPAMAHALANG PANGKALAHATAN

Ang mga Katoliko ay may pag-galang sa mga pinuno ng kanilang Iglesia. Itinuturing nila ang mga namiminuno sa Iglesia kagaya ng mga pari at ng Obispo ng Roma bilang mga “ama.” Alinsunod ito sa halimbawang ibinigay ni Apostol Pablo na kung saan itinuturing niyang mga “anak” ang kanyang mga tagasunod at inihaharap niya ang kaniyang sarili sa kanila bilang isang “ama”:

“Hindi ko sinusulat ito para hiyain kayo. Pinapayuhan ko lang kayo bilang mga anak kong minamahal. Kasi, kahit magkaroon kayo ng sampung libong tagapagturo ukol kay Cristo, iisa lang ang inyong ama sa pananampalataya. Mga anak ko kayo sa pananampalataya kay Cristo Jesus, dahil ako ang nangaral sa inyo ng Magandang Balita” (1 Cor. 4:14-15, Ang Buhay na Salita).

Ang Buhay na Salita Biblia

Malinaw na si Apostol Pablo ay ama sa pananampalataya ng kanyang mga tagasunod na kanya namang inaring mga anak sa pananampalataya. Ganun din si Apostol Pedro. Ang turing niya kay Marcos na kanyang alagad ay bilang isang anak sa pananampalataya: “kinukumusta rin kayo ni Marcos, ang mahal kong anak sa pananampalataya” (1 Pedro 5:13, Magandang Balita Biblia). Kung anak sa pananampalataya ang turing ni Pedro kay Marcos, natural lamang na ama sa pananampalataya ang turing ni Marcos kay Pedro.

Ganyan na ganyan ang turing ng mga Katoliko sa mga pinuno ng kanilang Iglesia. Ang mga pari ay itinuturing naming ama sa pananampalataya sapagkat si Apostol Pablo ay nagpakilala bilang pari: “Ako’y itinalaga niya bilang pari ni Jesu-Cristo, at ginagampanan ko ang aking tungkulin bilang pari sa pagdadala ng Mabuting Balita mula sa Dios para sa mga hentil, at upang sila ay maging katanggap-tangap na handog, na pinabanal ng Espiritu Santo” (Roma 15:16, New Jerusalem Bible, sa pagkakaliwat ng may akda sa Filipino).[1]

Ginawan ng rebulto si Felix Y. Manalo na kinikilalang "more than a loving father to us" ng Iglesia ni Cristo

Felix Manalo: More than a loving Father

Ngunit hindi lamang ang mga Katoliko ang may pagturing na “ama” sa pinuno ng Iglesia. Sa Iglesia ni Cristo (1914), si Felix Y. Manalo ay hindi lamang itinuturing na ama bagkus ay bilang isang “higit pa sa mapagmahal na ama.” Binabanggit sa Pasugo, ang opisyal na babasahin ng Iglesia ni Cristo (1914), ang ganito ukol kay Felix Manalo: “He was more than a loving father to us …” (Pasugo, May 1968, p. 37).

Pasugo, May 1968, p. 37: "He [Felix Manalo] was more than a loving father to us ..."

Eraño G. Manalo: “Itinuturing ko siya na para kong tunay na ama”

Ganun din ng mamatay si Eraño G. Manalo. Patungkol sa yumaong Pinunong Pangkalahatan ng Iglesia ni Cristo, sinabi ng isang artistang kaanib ng Iglesia ni Cristo na si Klaudia Koronel, “Itinuring ko siyang para kong tunay na ama.”[2]

Dating starlet na si Klaudia Koronel: Itinuturing na tunay na ama si Erano G. Manalo 

(larawan: www.pep.ph)

Huwag ninyong tawaging inyong ama ang sinomang tao sa lupa (Mateo 23:9)

Gamit na gamit ng Iglesia ni Cristo ang Mateo 23:9 sa kanilang patutsada sa pagtawag ng mga Katoliko sa mga pari (at Papa) ng ama:

“At huwag ninyong tawaging inyong ama ang sinomang tao sa lupa: sapagka't iisa ang inyong ama, sa makatuwid baga'y siya na nasa langit” (Mateo 23:9, Ang Biblia).

Binabanggit sa talata na huwag tatawaging ama ang sinumang tao sa lupa. Ngunit, may pagkakataon ba na tinawag ng Iglesia ni Cristo na ama ang isang tao sa lupa?

Iglesia ni Cristo kinakausap ang patay

Noong mamatay si Eraño G. Manalo noong 2009, ang artistang si John Regala na isang Iglesia ni Cristo noong panahong iyon ay “Tatay Erdie” ang tawag sa nasirang Pinunong Pangkalahatan ng Iglesia ni Cristo. Ayon sa ulat ng Philippine Entertainment Portal:

“Sa ikalawang gabi ng burol, September 2, dumalaw ang character actor na si John Regala. May lungkot sa kanyang pananalita nang hingan ng pahayag ng PEP (Philippine Entertainment Portal) bilang pakikidalamhati sa mga naulila ng kung tawagin niya'y si "Tatay Erdy."

Ani John: "Sa pagpanaw ng Tatay Erdy, hindi maipaliwanag ang aking nararamdaman. Sobra akong nalulungkot sapagkat hahanap-hanapin ko ang pagmamahal at mga kabutihan na ipinadama at ginawa niya sa akin.

John Regala tinawag na "Tatay Erdie" si Erano Manalo

"Marami kaming happy moments ng Tatay Erdy noong malakas pa siya, ngunit masaya rin ako dahil nakapagpahinga na ang Tatay Erdy. Napagtagumpayan niya ang tungkulin niya sa Diyos. Natapos niya ang kanyang takbuhin na walang pagkukulang sa aming lahat na kaanib ng INC. Pinagtibay [niya] ang aming pananampalataya. Pagdating ng araw, muli ko siyang makakasama doon sa bayang banal. Hanggang sa muling pagkikita, Tatay Erdy. Mahal ko po kayo."[3]

Ano ang ibig sabihin ng “tatay”? Hindi ba “ama”? Ayon sa Wikipedia: “As a child you would refer to your parents as "Ama" (Tagalog formal for Father) or "Tatay" (Tagalog informal for Father).[4] Ano naman ang sinasabi sa Tagalog-Dictionary.Com?

tatay
t´atay n. father (term of address and reference)[5]

John Regala: Kinakausap ang patay na si Erano Manalo, "Hanggang sa muling pagkikita, Tatay Erdie. Mahal ko po kayo."

(larawan kuha ng www.pep.ph)

Malinaw na si Eraño G. Manalo ay tinawag na “tatay” o “ama” ng hindi niya anak sa laman. Ano ang sabi ng Biblia? “At huwag ninyong tawaging inyong ama ang sinomang tao sa lupa: sapagka't iisa ang inyong ama, sa makatuwid baga'y siya na nasa langit” (Mateo 23:9, Ang Biblia). 

 From the blog of dhaymes sarah

Kung gayon, bakit abot hanggang-sukdulan ang pagkondena ng Iglesia ni Cristo sa mga Katoliko na tumatawag ng “ama” sa kanilang mga pinuno samantalang ang Pinunong Pangkalahatan ng Iglesia ni Cristo ay tinawag ding “tatay” o “ama” ng isang Iglesia ni Cristo na hindi niya anak ayon sa laman? Hindi ba malinaw na kapaimbabawan ito?

Iglesia ni Cristo inaalayan ng bulaklak ang larawan ni Erano G. Manalo at sinasabihan ng "Maraming salamat po Kapatid na Erano G. Manalo" 

(larawan kuha ng Inquirer.net)

“Dahil dito'y wala kang madadahilan, Oh tao, sino ka man na humahatol: sapagka't sa iyong paghatol sa iba, ay ang iyong sarili ang hinahatulan mo; sapagka't ikaw na humahatol ay gumagawa ka ng gayon ding mga bagay.  At nalalaman natin na ang hatol ng Dios ay ayon sa katotohanan laban sa kanila na mga nagsisigawa ng gayong mga bagay.  At iniisip mo baga ito, Oh tao, na humahatol sa mga nagsisigawa ng gayong mga bagay, at ginagawa mo ang gayon din, na ikaw ay makatatanan sa hatol ng Dios?” (Roma 2:1-3).

Sa Iglesia ni Cristo (1914): "At iniisip mo baga ito, Oh tao, na humahatol sa mga nagsisigawa ng gayong mga bagay, at ginagawa mo ang gayon din, na ikaw ay makatatanan sa hatol ng Dios? (Roma 2:3)

---

[1] “He has appointed me as a priest of Jesus Christ, and I am to carry out my priestly duty by bringing the Good News from God to the pagans, and so make them acceptable as an offering, made holy by the Holy Spirit” (Rom. 15:16, NJB).

[2] http://www.pep.ph/news/23034/Former-actress-Klaudia-Koronel-grieves-the-death-of-INC_.

[3] http://www.pep.ph/news/23077/john-regala-joins-mourning-for-inc-leader-era.

[4] http://en.wikipedia.org/wiki/Philippine_kinship.

[5] http://www.tagalog-dictionary.com/cgi-bin/search.pl?s=tatay.


Source:IGLESIA NI CRISTO ITINURING AT TINAWAG NA AMA ANG KANILANG TAGAPAMAHALANG PANGKALAHATAN

Translation:Google Translate